मुख्य सामग्रीमा जानुहोस्
६ मंसिर २०८३ आइतबारबेलुका ५:१० Sunday, November २२, २०२६

दुर्गम गाउँमा पहिलोपटक बस पुग्दा स्थानियहरुमा खुसीयाली…

शेयर९.५K०

स्याङजा- स्याङ्जाको फेदीखोला गाउँपालिका वडा नं ४ गलेम गाउँमा पहिलो पटक बस पुग्दा स्थानीयहरुमा खुशियाली छाएको छ । पैदल हिंडेर बाटोसम्म पुग्न घण्टौ समय लाग्ने उक्त स्थानमा बस पुगेपछि भने बजार तथा सदरमुकाम पुग्न सहज भएको छ । सर्केटारी, आरुखर्क, गलेम, पञ्चासे ग्रामीण सडक अन्तर्गत आरुखर्क-गलेमको भीरखण्डमा ट्रयाक खुलेपछि गलेम गाउँमा पहिलोपटक बस पुगेको हो । आफ्नो जन्मथलोमा पहिलोपटक बस पुगेपछी स्थानीयहरु खुसीले फूलमालाले स्वागत गरेका छन् ।

गण्डकी प्रदेश सरकार, संसद बिकास कोष, सर्केटारी, गलेम, पन्चासे ग्रामीण सडक उपभोक्ता समिति तथा फेदीखोला गाउँपालिकाको सहकार्यमा करिब १ करोड ४५ लाख रुपैयाँको लागतमा कडा चट्टान पार गरी गाउँमा बाटो पुर्‍याइएको हो ।यातायातको सुबिधा नहुँदा सुगम ठाउँमा बसाइ सर्न बाध्य रहेका गलेमका स्थानीयहरु गाउँमा बाटो पुगेपछी गाउँमा चहलपहल हुनुका साथै उत्पादन भएका कृषिजन्य उत्पादनले बजार पाएको बताउँछन् । विरामी हुँदा अस्पतालको मुख नै नदेखि कतिको ज्यान गएको अवस्थालाई उक्त सडक निर्माणले सहजिकरण गरेको छ ।

आफ्नो जन्मभूमि गलेम गाउँमा पहिलोपटक मिनीबस चढेर आउन पाउँदा हर्षका आँसु आएको सर्केटारी-आरुखर्क-गलेम-पञ्चासे सडक उपभोक्ता समितिका अध्यक्ष ८४ वर्षीय मेजर दिलबहादुर गुरुङले बताए ।

प्रकाशित :-

यो खबर पढेर तपाईलाई कस्तो महसुस भयो ?

शेयर९.५K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।