मुख्य सामग्रीमा जानुहोस्
७ मंसिर २०८३ सोमबारराति २:४१ Monday, November २३, २०२६

अब वालिङमै शल्यक्रिया सेवा

शेयर८.८K०

स्याङ्जाको स्मार्ट सिटी वालिङमा शल्यक्रिया सेवा सुरू भएको छ। वालिङ नगरपालिकाको गह्रौ प्राथमिक अस्पताल वालिङमा मंगलबार देखि अत्यावश्यक प्रसुती शल्यक्रिया शुरु भएको हो। अस्पतालमा शल्यक्रिया मार्फत पहिलो पटक ३२ वर्षिय महिलाले दिनको ३ बजे स्वस्थ बच्चालाई जन्म दिएको अस्पतालले जनाएको छ । विशेषज्ञ चिकित्सक डा. नारायण बहादुर गोदार र डा. सुरज ढकालको संयुक्त टीमले वालिङ नगरपालिका वडा नं ६ निवासी एक गर्भवती महिलालाई आकस्मिक शल्यक्रिया सेवा प्रदान गरेको गह्रौ प्राथमिक अस्पतालका प्रमुख डाक्टर सुरज ढकालले जानकारी दिए।

उनले अस्पतालमा प्रसुती सेवा सञ्चालनमा आएसँगै धेरै महिलालाइ सहज हुने र प्रसुतीको लागि पाल्पा पोखराका अस्पतालमा जानुपर्ने बाध्यताको अन्त्य भएको बताए। यो सेवालाइ अझ सुविधायुक्त बनाउँदै लाने योजना रहेको उनको भनाई छ।

वालिङ नगरपालिकाका नगरप्रमुख कृष्ण खाँणले पदभार ग्रहण गर्दाकै दिन वालिङ नगरपालिकामा महिलाहरुलाई परेको समस्या सामाधान गर्न गह्रौ प्राथमिक अस्पतालमा शल्यक्रिया सेवा सुरू गर्ने निणर्य गरेका थिए। शल्यक्रियाको लागि पनि पाल्पा र पोखरा धाउनुपर्ने बाध्यता रहेको कुरालाई मध्येनजर गर्दै गह्रौ प्राथमिक अस्पतालबाट सेवा दिने उद्घोष गरेका थिए। नगरप्रमुख कृष्ण खाँणले सेवा सञ्चालनमा आएपछि आफुले सुरुमा गरेको प्रतिबद्धता, योजना र आफ्नो एउटा सपना पुरा भएकोमा खुसी व्यक्त गरे। सबैको साथ, सहयोगले सेवा सुरू गर्न सम्भव भएको बताउँदै मेयर खाँणले सेवालाई थप प्रभावकारी र दिगो बनाउने प्रतिबद्धता व्यक्त गरे। जनताले अनुभुती गर्ने गरी पालिकाले काम गरिरहेको खाँणले बताए।

गह्रौ प्राथमिक अस्पतालका प्रमुख डा. सुरज ढकालले मंगलबारदेखि प्रसुती शल्यक्रिया सँगै हाइड्रोसिल, हर्निया र एपेन्डिक्सको शल्यक्रिया सेवा पनि प्रवाह भएको जानकारी दिए।

प्रकाशित :-

यो खबर पढेर तपाईलाई कस्तो महसुस भयो ?

शेयर८.८K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।