मुख्य सामग्रीमा जानुहोस्
६ मंसिर २०८३ आइतबारराति १०:२८ Sunday, November २२, २०२६

सर्वत्र आलोचना पश्चात नगरले सच्यायो गल्ती

शेयर७.७K०

दुलेगौंडा । शुक्लागण्डकी नगरपालिकाले ईन्धनमा गरेको खर्चको चर्चा यति बेला सर्वत्र छ । सामाजिक सञ्जालमा नगरपालिकाले १० महिनामा मै झण्डै ७० लाखको डिजेल र पट्रोल खपत गरेको प्रमाण भेटिन्छ । नगरपालिकाले भने सामाजिक सञ्जालमा जस्तो खर्च वास्तविकतामा नभएको जनाएको छ ।

तनहुँ खबरसँग कुरा गर्दै नगरपालिकाका सुचना अधिकारी लक्ष्मण लम्सालले ‘सुशासन र समृद्ध शुक्लागण्डकीकाका लागि युवा अभियान’लाई प्रदान गरिएको सुचना गलत भएको दावि गरे । उनले कार्यालयको प्राविधिक गल्तिका कारण गलत जानकारी गएको र सोही विषय भाईरल भएको जानकारी दिए । लम्सालका अनुसार नगरपालिकामा बैशाख मसान्तसम्म १२ हजार नौ सय पचपन्न लिटर पेट्रोल र २६ हजार आठ सय सन्ताउन्न लिटर डिजेल खपत भएको जानकारी दिए ।

उनले यस अघि प्रदान गरिएको सुचनामा १२ हजार नौ सय ६० लिटर पेट्रोल र २८ हजार पाँच सय ८६ लिटर डिजेल खपत भएको उल्लेख छ । उक्त विवरणमा गत मंसिरमा खपत भएको डिजेलको परिमाण गत असारदेखि मंसिर महिनासम्मको जोडिन गएको उल्लेख गरे ।
‘ईन्धनको मुल्य परिवर्तन भईरहने र अभियानका सदस्यहरुले आफुखुशी मुल्य राखेर सामाजिक सञ्जालमा भाईरल बनाएछन्’ उनले भने ‘त्यो जम्मा जोडिएको हस्तलिखित अक्षर नगरपालिकाको होईन ।’

उनका अनुसार चालु आर्थिक बर्षका लागि ईन्धन खर्च ४५ लाख विनियोजन गरिएको तर अत्याधिक मुल्य बृद्धि भएका कारण विभिन्न शिर्षकबाट रकमानन्तर गरि ६१ लाख पु¥याएको स्पष्टीकरण दिए । नगरपालिकाले विवरण सच्याएर दिएता पनि उक्त विवरणमा गत आर्थिक बर्षमा भन्दा बढी नै पछिल्लो दश महिनामा खपत भएको देखिन्छ ।

प्रकाशित :-

यो खबर पढेर तपाईलाई कस्तो महसुस भयो ?

शेयर७.७K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।