मुख्य सामग्रीमा जानुहोस्
६ मंसिर २०८३ आइतबारराति १०:०७ Sunday, November २२, २०२६

चुनाव हारेपछि सफलतातर्फ लम्किएकी ममिता

शेयर१०K०

अशोक विश्वकर्मा। स्थानीय तहको पहिलो निर्वाचनमा जनप्रनिधी भएर जनताको काम गर्ने चाहाना पुरा नभएपछि व्यवसायिक कृषि पेशामा लागेकी ममिता गुरुङको सफलता उन्मुख संषर्घ चाखलाग्दो छ । तनहुँको रतनपुर पृथ्वीराजमार्गबाट झण्डै २२ किलोमिटरको ग्रामिण सडक पार गरेपछि मात्र पुग्न सकिन्छ । शुक्लागण्डकी नगरपालिका १ मा रहेको यही वस्तीमा ममिता दम्पतीले गरेको बाख्रा र मौरी पालन सवैका लागि प्रेरणाको स्रोत बन्न थालेको छ । ६ बर्ष अगाडी हेफर नामक संस्थाले महिलाको आर्थिक स्तर उकास्न व्यवसायिक बाख्रा पालनको अवधारणा गाउँमा पु¥याएको उनले जानकारी दिईन् । ‘त्यसपछि नै हो बाख्रा पालन गर्नुपर्छ कि भन्ने लागेको’ उनले भनिन् ‘अहिले घाँसहरु प्रशस्त हुन थाल्यो बल्ल व्यवसायले लय समातेको छ ।’

३० वटा उन्नत जातका बाख्रा र ३२ घार मौरीले उनको दैनिकी व्यस्त बनाएको भएपनि श्रीमानका साथले सामाजिक काममा समेत निस्कन सहज भएको छ । श्रीमान मनकाजी गुरुङ्ग उनको व्यवसायको सारथी पनि हुन् । श्रीमान–श्रीमतिको मेहेनतले पछिल्लो ६ महिनामा मात्र दुई लाख बढीको मह विक्री गरेका उनीहरुमा थप मेहनत गर्ने हौसला मिलेको छ । ‘महको माग पोखरा र काठमाण्डौबाट असाध्यै हुने रहेछ, यस पटक मात्र एक सय ८५ माना उत्पादन भयो’ ममिताले तनहुँ खबरसँग गफिदै गर्दा सुनाईन्,‘बाख्राका पाठा पाठीपनि बेच्छौ, जे होस ऋण गर्न परेको छैन पैसाले त कस्लाई पुग्छ होला र ?’

चुनाव हारेपछि सफलतातर्फ लम्किएकी ममिता

शहरदेखि प…रको बस्तीमा आवश्यक पर्ने दाना चोक्कर पु¥याउन सहज छैन । ममिताको दम्पती आफ्नै पैत्रिक सम्पतीको संरक्षण गर्न गाउँकै बारीमा आफुलाई आवश्यक पर्ने कोदो, मकै, पिडालु लगायतका खेती पनि गर्न भ्याएका छन् । ‘ससुराकै बारी हो नि, धेरै घाँस लगाएका छौ अरु खेतिपाती पनि गर्छौ ।’ सन्तुष्टी मिश्रित भावमा ममिता सुनिईन् ।

बाख्राको व्यवसायिक सफलतापछि मौरी पालन गरेर मनग्य आम्दानी भित्राएकी उनी अब सँगसँगै कुखुरा पालन गर्ने योजना बुनिरहेकी छन् । बारीका पाटाहरुमा राई खनियोदेखि मेन्डोला, सुपर नेपिएर, मुलाटे, किम्वु, टाँकी लगायतका डाले घाँसहरु सँगै ममिताको व्यवसायिक कृषि पेशा मौलाउदै गएका छन् । जिल्लाकै म्याग्दे गाउँपालिका र व्यास नगरपालिकाको सिमानामा रहेको शुक्लागण्डकी नगरपालिका रतनपुरबाट व्यवसायिक सफलताको उडान भरिहेका गुरुङ दम्पती अहिले स्वदेशमै सम्भावनाहरुको खोजीहरुका लागि उदाहरण बन्न थालेका छन् ।

 

प्रकाशित :-

यो खबर पढेर तपाईलाई कस्तो महसुस भयो ?

शेयर१०K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।