मुख्य सामग्रीमा जानुहोस्
७ मंसिर २०८३ सोमबारराति १:०७ Monday, November २३, २०२६

छुवाछुत अन्त्यका लागि तनहुँमा रक्तदान, १०२ युनिट रगत संकलन

शेयर७.९K०

दुलेगौंडा । तनहुँको शुक्लागण्डकी नगरपालिकामा ‘हाम्रो दलित समाज’ले आयोजना गरेको बृहत रक्तदान कार्यक्रममा १०२ जनाले रक्तदान गरेका छन् । जातीय रुपमा हुने विभेद तथा छुवाछुतको अन्त्य गर्ने उदेश्य सहित सम्पन्न भएको कार्यक्रममा दलित र गैरदलित समुदायका व्यक्तिहरुले सामुहिक रुपमा जम्मा भएर रक्तदान गरेका थिए ।

नेपाल रेडक्रस सोसाईटी कास्की र रक्त सञ्चार केन्द्र पोखराको प्राविधिक सहयोगमा सम्पन्न कार्यक्रमलाई सम्बोधन गर्दै शुक्लागण्डकी नगरपालिकाका मेयर कृष्णराज पण्डितले संविधानमा लेखिएर मात्र समाजमा जातीय विभेद हट्न नसक्ने हुदाँ व्यवहारिक लडाई लड्नुपर्ने आवश्यकता रहेको बताए ।

छुवाछुत अन्त्यका लागि तनहुँमा रक्तदान, १०२ युनिट रगत संकलन

कार्यक्रममा शुक्लागण्डकी नगरपालिकाका निवर्तमान उपप्रमुख एवं दलित अभियन्ता सविता रसाईलीले अझै पनि दलित समुदायले न्यायपूर्ण जीवन बाँच्न नपाएको गुनासो गरिन् । राज्य सत्ता व्यवहारिक रुपमा दलितको न्यायका लागि सकरात्मक बन्न नसक्दा जातकै कारण मृत्युवरण गर्नुपर्ने अवस्थाको अन्त्य हुन नसकेको रसाईलीले बताईन् ।

नेपाल रेडक्रस सोसाईटी कास्कीका प्रमुख अर्जुन ज्ञवालीले दलित रक्तदान कार्यक्रमले दलित आन्दोलन सफल पार्न महत्वपूर्ण भूमिका खेलेको बताए । ‘दलित समुदायको रगत जुनसुकै वर्ग समुदायका मानिसमा बगिरहेको हुन्छ ।’ उनले भने, ‘फेरी किन यो र त्यो बहानामा विभेद गर्नु ? रगत चलिसक्यो पानीमा किन अल्झने ?’

छुवाछुत अन्त्यका लागि तनहुँमा रक्तदान, १०२ युनिट रगत संकलन

भरत लामगादेको संयोजकत्वमा भएको कार्यक्रममा प्रकाश विक, जौमाया बराल सुनार लगायतका वक्ताहरुले विभेदका लागी सवैको हातेमालो आवश्यक रहेकोमा जोड दिए । कार्यक्रमा रक्तदान गर्ने अधिकांश गैरदलित समुदायका रक्तदाताहरुले विभेद उन्मूलनको अभियानमा हातेमालो गर्न सहभागि भएको प्रतिक्रिया दिएका थिए ।

नेपालमा रहेको दलित समुदायले प्रत्येक जेठ २१ गते जातीय भेदभाव तथा छुवाछुत उन्मूलन दिवस विशेष कार्यक्रम सहित मनाउदै आएका छन् ।

छुवाछुत अन्त्यका लागि तनहुँमा रक्तदान, १०२ युनिट रगत संकलन

प्रकाशित :-

यो खबर पढेर तपाईलाई कस्तो महसुस भयो ?

शेयर७.९K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।