मुख्य सामग्रीमा जानुहोस्
६ मंसिर २०८३ आइतबारराति ९:०२ Sunday, November २२, २०२६

कैलालीका विभिन्न ठाउबाट तीन जना लागूऔषधसहित पक्राउ

शेयर१०.८K०

सुखड : कैलालीका विभिन्न ठाउबाट बुधबार प्रहरीले तीन युवकलाई लागूऔषधसहित पक्राउ गरेको छ ।

बुधबार साँझ धनगढी उपमहानगरपालिका–३ ब्यारेलबाट ९५० मिलिग्राम लागूऔषध (खैरो हेरोईन)सहित अछाम साँफेबगर नगरपालिका–४ का ३० वर्षीय सन्तोष सुनारलाई प्रहरीले नियन्त्रणमा लियो । सुनारलाई प्रहरी चौकी त्रिनगरबाट खटिएको टोलीले भारतबाट नेपाल तर्फ आईरहेको अवस्थामा लागूऔषधसहित नियन्त्रण गरेको हो ।

यस्तै जिल्लाकै गोदावरी नगरपालिका–१ भरतपुर स्थित राम जानकी मन्दिर नजिकबाट २८० मिलिग्राम खैरो हेरोईनसहित सोही ठाउँका २६ वर्षीय माधब बिष्टलाई पनि बुधवार साँझ प्रहरीले पक्राउ गरेको जनाएको छ । बिष्टलाई इलाका प्रहरी कार्यालय मालाखेतीबाट खटिएको प्रहरी टोलीले उक्त पदार्थसहित पक्राउ गरेको हो ।

त्यसै गरी उता टीकापुर नगरपालिका–३ रामपुरबाट १०० मिलिग्राम खैरो हेरोईनसहित जानकी गाउँपालिका–७ बस्ने २६ वर्षीय राजकुमार चौधरी पनि बुधबार साँझ नै पक्राउ परेका छन् । चौधरीलाई ईलाका प्रहरी कार्यालय टीकापुरबाट खटिएको प्रहरी टोलीले पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको जनाएको छ ।

प्रकाशित :-

यो खबर पढेर तपाईलाई कस्तो महसुस भयो ?

शेयर१०.८K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।