मुख्य सामग्रीमा जानुहोस्
७ मंसिर २०८३ सोमबारराति १:४८ Monday, November २३, २०२६

बलियो टोली बहराइनसँग भिड्दै नेपाल, विश्वकप छनोटका लागि जित्नैपर्ने दबाब

शेयर९.८K०

फिफा विश्वकप तथा एएफसी एसियन कप छनोट अन्तर्गत दोस्रो चरणको आफ्नो चौथो खेलमा नेपाल आज बहराइनको सामना गर्दै छ ।

बहराइनको राष्ट्रिय रङ्गशालामा हुने नेपाल र घरेलु टोलीबीचको खेल नेपाली समयअनुसार राति १२ः४५ बजेदेखि सुरु हुनेछ ।

विश्वकप छनोटको सम्भावनालाई कायमै राख्न नेपाललाई आजको खेल जित्नैपर्ने दबाब रहेको छ । आजको खेलमा यदि नेपाल पराजित भएमा विश्वकप र एसिया छनोट खेल्नबाट बञ्चित हुनेछ ।

नेपालले पहिलो चरणको खेलमा लाओसलाई पराजित गर्दै प्रतियोगिताको दोस्रो चरणमा प्रवेश गरेको थियो । त्यस्तै, दोस्रो चरणको खेलमा नेपालले जित हासिल गर्न सकेको छैन । दोस्रो चरणअन्तर्गत नेपालले तीनवटै खेलमा पराजय भोगेको थियो । संयुक्त अरब इमिरेट्स (युएई) मा भएको पहिलो खेलमा नेपाल युएईसँग ४–० गोलअन्तरले पराजित भएको थियो ।

त्यसैगरी, घरेलु मैदानमा भएको यमनविरुद्धको दोस्रो खेलमा नेपाल २–० गोलअन्तरले पराजित हुन पुग्यो । यही चैत ८ गते भएको दोस्रो चरण अन्तर्गतको तेस्रो खेलमा नेपाल बहराइनसँग ५–० गोलअन्तरले पराजित भएको थियो ।

दोस्रो चरणमा नेपाल समूह ‘एच’ मा रहेको छ । नेपालको समूहमा बहराइन, यमन र संयुक्त अरब इरिमेट्स छन् । तीन खेलमा तीनवटैमा जित हासिल गर्दै युएई नौ अङ्कका साथ अङ्क तालिकाको शीर्ष स्थानमा रहेको छ । त्यस्तै, समान तीन खेल खेलेको बहराइन दुई खेलमा जित हासिल गर्दै ६ अङ्कका साथ दोस्रो स्थानमा छ । त्यसैगरी, तीन खेलमा तीन अङ्क बटुल्दै यमन तेस्रो स्थानमा छ । समान तीन खेल नै खेलेको नेपाल तीनै खेलमा हार व्यहोर्दै अङ्क विहीन छ ।

नेपाली टोलीमा गोलकिपर किरण चेम्जोङसहित विशाल सुनार र अभिषेक राई छन् । त्यसैगरी, डिफेन्डरमा अभिषेख लिम्बू, अनन्त तामाङ, छिरिङ लामा, अजय चौधरी, सनिस श्रेष्ठ, सौभाग्य राई र सुमित श्रेष्ठ रहेका छन् ।

त्यस्तै, मिडफिल्डरमा भरत खवास, विशाल बस्नेत, लाकेन लिम्बू, मणिकुमार लामा, मनीष डाँगी, रोहन कार्की र उत्सव राई छन् भने फरवार्डमा अञ्जन विष्ट, दिनेश हेन्जन, समीर तामाङ, सञ्जीव विष्ट, हिसुब थपलिया र जिलेस्पीजंग कार्की छन् ।

प्रकाशित :-

यो खबर पढेर तपाईलाई कस्तो महसुस भयो ?

शेयर९.८K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।