मुख्य सामग्रीमा जानुहोस्
६ मंसिर २०८३ आइतबारदिउँसो ४:०५ Sunday, November २२, २०२६

राजस्थानका कप्तान सन्जु सामसनलाई झट्का, नियम उलङ्घनमा १२ लाख जरिवाना

शेयर१०.१K०

भारतीय फ्रेन्चाइज टोली राजस्थान रोयल्सका कप्तान सञ्जु सामसनलाई भारतीय क्रिकेट कन्ट्रोल बोर्ड (बीसीसीआई) ले १२ लाख भारतीय रुपैयाँ जरिवाना तिराएको छ ।

बुधवार राती सम्पन्न इन्डियन प्रिमियर लिग (आईपीएल) क्रिकेटमा गुजरात टाइटन्सले राजस्थान रोयल्सलाई ३ विकेटले पराजित गर्यो । जारी सिजनको आईपीएलमा राजस्थानकाे यो पहिलो हार हो ।

 गुजरातविरुद्धको उक्त खेलमा राजस्थानका कप्तान सामसनका लागि निकै निराशाजनक रह्यो । एकातिर टोलीले पहिलो हार भोग्नु पर्यो भने अर्कोतिर, कप्तानको रुपमा उनले १२ लाख भारतीय रुपैयाँ जरिवाना पनि तिर्नु पर्यो ।

जयपुरमा भएको उक्त खेलमा ‘स्लो ओभर रेट’ का कारण सन्जु सामसनमाथि उक्त जरिवाना लगाइएको जनाइएको छ ।

 टस हारेर पहिले ब्याटिङको निम्तो पाएको राजस्थानले निर्धारित ओभरमा तीन विकेट गुमाएर १ सय ९६ रन बनाएको थियो ।

जवाफी ब्याटिङमा ओर्लिएको गुजरातले ७ विकेट गुमाएर अन्तिम ओभरको अन्तिम बलमा जित हात पारेको थियो । गुजरातलाई अन्तिम ओभरमा जितका लागि १५ रन चाहिएको थियो । जसमा गुजरातका राशिद खानले गजबको प्रदर्शन गर्दै जित दिलाए ।

राजस्थानले अन्तिम ओभर बलिङ गर्नु अघि नै खेल पाँच मिनेट ढिलो भइसकेको जनाइएको छ ।

 जारी सिजनको आईपीएलमा राजस्थानको यो पहिलो गल्ती भएकाले न्युनतम सजाय मात्र गरिएको जानकारी बीसीसीआईले जनाएको छ ।

प्रकाशित :-

यो खबर पढेर तपाईलाई कस्तो महसुस भयो ?

शेयर१०.१K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।