मुख्य सामग्रीमा जानुहोस्
६ मंसिर २०८३ आइतबारराति १०:०३ Sunday, November २२, २०२६

कैलाली जिल्ला लिग फुटबल प्रतियोगिता: छैटौँ दिनमा भजनी, घोडाघोडी र धनगढी विजयी

शेयर९.८K०

सुखड: कैलाली जिल्लाको घोडाघोडी नगरपालिका-१ स्थित सुखड रङ्गशालामा जारी जिल्ला लिग फुटबल प्रतियोगितामा आज छैटौँ दिन तीन खेल सम्पन्न भएका छ्न्। जसमा हिमालय युवा क्लब, घोडाघोडी क्लब र स्टार सिटी विजयी भएका हुन् ।

आज भएको पहिलो खेलमा हिमालय युवा क्लब भजनीले मनकामना युवा क्लब धनगढीलाई ३-१ गोल अन्तरले पराजित गर्यो ।

त्यसै आज भएको दोस्रो खेलमा घोडाघोडी फुटबल क्लबले बिहानी युवा क्लब भजनीलाई पाखा लगायो । जसमा घोडाघोडी क्लबले २-० गोल काे जित हात पार्यो ।

त्यस्तै आज नै भएको तेस्रो तथा अन्तिम खेलमा स्टार सिटी धनगढीले पञ्चकोशी युवा क्लब लम्कीमाथि १-० गोल अन्तरकाे जित हात पार्यो । निर्धारित ९० मिनेटको खेलमा धनगढीले १ गोल गर्दा लम्कीले गोल गर्न सकेन ।

वैशाख २८ गते देखि सुरु भएको जिल्ला लिग जेठ १२ गते सम्म सञ्चालन हुने छ । कैलाली जिल्ला लिग फुटबल सङ्घको आयोजना र घोडाघोडी क्लबको स्थानीय आयोजनामा उक्त प्रतियोगिता सुखड रङ्गशालामा सञ्चालन भइरहेको छ ।

 प्रतियोगितामा जिल्लाका ए डिभिजनका ७, बी डिभिजनका ६ र क्वालिफायर्सका ७ टोली गरी २० टोलीको सहभागी रहेको छ ।

 ए डिभिजन लिगको विजेता क्लबले ७५ हजार र दोस्रो हुने क्लबले ३७ हजार ५ सय पुरस्कार पाउने छन् । त्यस्तै बी डिभिजनको प्रथम हुने टोलीले ५० हजार तथा दोस्रो हुने टोलीले २५ हजार पुरस्कार पाउने छन् ।

प्रकाशित :-

यो खबर पढेर तपाईलाई कस्तो महसुस भयो ?

शेयर९.८K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।