मुख्य सामग्रीमा जानुहोस्
६ मंसिर २०८३ आइतबारराति १०:४५ Sunday, November २२, २०२६

टी–२० विश्वकप क्रिकेट : अफगानिस्तानको सानदार विजयी सुरुवात, युगान्डा १ सय २५ रनले पराजित

शेयर९.६K०

आईसीसी टी–२० विश्वकप क्रिकेट २०२४ को समूह ‘सी’मा अन्तर्गत भर्खरै सम्पन्न खेलमा अफगानिस्तानले विजयी सुरुवात गरेको छ ।

आफ्नो पहिलो खेलमा युगान्डाविरुद्ध १ सय २५ रनको फराकिलो सानदार जित निकाल्दै अफगानिस्तानले विजयी सुरुवात गरेको हो ।

अफगानिस्तानले दिएको १ सय ८४ रनको विशाल लक्ष्य पछ्याएको युगान्डा १६ ओभरमा मात्रै ५८ रनमा समेटिन पुग्यो ।

युगान्डाका रोबिन्सन ओबुयाले १४ र रिआजत अली साहले ११ रन बनाउन बाहेक कुनै पनि ब्याटरले खुलेर खेल्न सकेनन् ।

युगान्डालाई सस्तैमा समेट्ने क्रममा अफगानिस्तानका फजलहक फारुकी एक्लैले ५ विकेट हात पारे । ४ ओभर बलिङ गरेका उनले मात्रै ९ रन खर्चिए । यस्तै, नवीन उलहक र कप्तान राशिद खानले २/२ तथा मुजिब उर रहमानले १ विकेट लिए ।

यसअघि प्रोभिडेन्समा टस हारेर पहिले ब्याटिङ गरेको अफगानिस्तानले निर्धारित २० ओभरमा ५ विकेटको क्षतिमा १ सय ८३ रनको विशाल आँकडा खडा गर्यो ।

उसका लागि ओपनरद्वय रहमानुल्लाह र इब्राहिम जद्रानले अर्धशतकीय पारीमा अफगानिस्तानले ठूलो योगफल बनाएको हो । गुर्बाजले ७६ र इब्राहिमले ७० रन बनाए ।

ओपनर बाहेकका अन्य ब्याटरले भने राम्रो प्रदर्शन गर्न सकेनन् । मोहम्द नाबी १४ रनमा अविजित रहे ।

युगान्डाका ब्रायन मसाबा र कस्मस क्येवुटाले २/२ र अलेपेश रमजानीले १ विकेट लिए ।

प्रकाशित :-

यो खबर पढेर तपाईलाई कस्तो महसुस भयो ?

शेयर९.६K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।