मुख्य सामग्रीमा जानुहोस्
७ मंसिर २०८३ सोमबारराति २:५० Monday, November २३, २०२६

आकाशे पानीमा निर्भर बैतडीका किसानलाई रोपाइँको चटारो, ४० प्रतिशतमा मात्रै सिँचाई सुविधा

शेयर१०.२K०

बैतडी : सुदूरपश्चिम प्रदेशको पहाडी जिल्ला बैतडीका झण्डै ६० प्रतिशत किसान आकाशे पानीको भरमा निर्भर रअ‍ेका छन् । आकाशे पानीको भरमा परेका किसान केही दिन यता निरन्तर रुपमा पानी पर्दा भने रोपाइँको चटारो छन् । आकशे पानीमा निर्भर किसान रहेका पानी पर्दा रोपाइँमा व्यस्त छन् ।

जिल्लाको दोगडाकेदार–३ श्रीकोटका गणेशसिंह विष्टले सिँचाइ सुविधाको अभावमा आकाशे पानीको भर पर्ने यहाँका किसान धमाधम रोपाइँ गर्न लागेको बताए । उनले भने, ‘सिँचाइ सुविधा नभएर आकाशे पानीको भरमा थियौँ, वर्षा भएसँगै रोपाइँको चटारो परेको छ ।’

जिल्लामा धानखेती हुने क्षेत्रमध्ये ४० प्रतिशतमा मात्रै सिँचाइ सुविधा पुगेको छ । कृषि ज्ञान केन्द्र बैतडीका प्रमुख घनश्याम चौधरीले वर्षा भएसँगै धमाधम रोपाइँ भइरहेको जानकारी दिए । जिल्लामा हालसम्म ७० प्रतिशत रोपाइँ सम्पन्न भएको उनले भनाई छ । सिँचाइ सुविधा भएका ठाउँमा यसअघि नै रोपाइँ सम्पन्न भइसकेको छ ।

समयमा वर्षा नहुँदा यस वर्ष रोपाइँ गर्न ढिलाइ भएको छ । गत वर्ष असार मध्यसम्म ८५ प्रतिशत धान रोपाइँ सम्पन्न भएकोमा यस वर्ष ७० प्रतिशत मात्रै रोपाई भएको कृषि ज्ञान केन्द्रले जनाएको छ । जिल्लाको पाटन नगरपालिका क्षेत्रका पाटनसेरा, डिलाशैनीको गोकुलेश्वर, सिगासको ढुङ्गाड, मेलौलीको सलेना, पञ्चेश्वरको महाकालीसँग जोडिएको क्षेत्र, दशरथचन्द नगरपालिकाको महाकालीसँग जोडिएका क्षेत्र र सुर्नयाको सुर्नया नदीसँग जोडिएका क्षेत्रलाई धान पकेट क्षेत्रका रूपमा लिने गरिएको छ । बैतडीमा पछिल्लो समयमा धानखेती हुने जमिन घट्दै गएको छ।

पछिल्लो कृषि गणनानुसार यहाँ ५ हजार २ सय २५ हेक्टर जमिनमा मात्रै धानखेती हुने गरेको छ । यसअघि ९ हजार हेक्टर जमिनमा धानखेती हुँदै आएको थियो ।

प्रकाशित :-

यो खबर पढेर तपाईलाई कस्तो महसुस भयो ?

शेयर१०.२K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।