मुख्य सामग्रीमा जानुहोस्
७ मंसिर २०८३ सोमबारराति २:४९ Monday, November २३, २०२६

बर्दगोरियाका घर-घरमा खानेपानी पुर्‍याउन आयोजनाले गति लिँदै 

शेयर९.८K०
घर घरमा शुद्ध खानेपानी पुर्‍याउन सङ्घीय, प्रदेश र स्थानीय सरकारको लागत साझेदारीमा कैलालीको बर्दगोरिया गाउँपालिकामा ७० करोडको आयोजना सञ्चालनमा छ । आयोजना अन्तर्गत आगामी ३ वर्ष भित्र पालिकाका सबै घरधुरीमा खानेपानी पुर्‍याउने गरि काम भइरहेको खानेपानी तथा सरसफाइ इकाई (एम/वास) युनिट प्रमुख लक्ष्मीराज जोशीले जानकारी दिए ।
“अध्ययन, व्यवस्थापन र कार्यालय स्थापना लगायतको काममा समय लाग्यो । अब कार्यान्वयनको गति बढ्छ । पाइपलाइन बिस्तार र बोरिङ निर्माणका लागि टेन्डर खोलिसकेका छौ । वडा नम्बर २ र ५ मा ट्याङ्की निर्माण गर्नु पर्ने र बाँकी पाइपलाइन बिस्तार गर्नु पर्नेछ ।” उनले भने । उनका अनुसार तत्काल वडा नम्बर ३ मा भूमिगत ट्याङ्क निर्माण, वडा नम्बर १ बौनिया बजारमा सार्वजनिक शौचालय निर्माण र पालिकाका ६ वटै वडामा पाइपलाइन बिस्तारको काम हुने छ भने खाने पानीका विभिन्न तालिमहरू समेत सञ्चालन गरिने छन् ।
प्रदेश सरकारको १५ प्रतिशत, स्थानीय सरकारको ७ प्रतिशत र बाँकी सङ्घीय सरकारको लागत साझेदारीमा आयोजना कार्यान्वयनमा आएको हो । बर्दगोरिया गाउँपालिका सँगै जानकी र जोशीपुर गाउँपालिकामा समेत खानेपानी आयोजनाको काम अघि बढेको छ ।

प्रकाशित :-

यो खबर पढेर तपाईलाई कस्तो महसुस भयो ?

शेयर९.८K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।