मुख्य सामग्रीमा जानुहोस्
६ मंसिर २०८३ आइतबारराति ८:३७ Sunday, November २२, २०२६

बैतडीमा गौरा पर्वमा झडप हुँदा सेनामा कार्यरत एकसहित दुई जना घाइते, तीन जना पक्राउ

शेयर१२.४K०

बैतडी जिल्लामा झडप हुँदा नेपाली सेनामा कार्यरत नरेन्द्र बिष्टसहित दुई जना घाइते भएका छन् ।

जिल्लाको दोगडाकेदार गाउँपालिका–४ लटैनाथ मन्दिरमा लागेको गौरा पर्वको मेलामा झडप हुँदा दोगडाकेदार गाउँपालिका–४ श्रीकेदार घर भइ गुरूबक्स गुल्म कैलालीमा कार्यरत २३ वर्षीय नरेन्द्र बिष्ट र दोगडाकेदार ४ कै ३० वर्षीय सुरजसिंह ठगुन्ना घाइते भएका छन् ।

मेलामा बिहिवार बेलुका झडप हुँदा सेनामा कार्यरत बिष्टको टाउकोमा चोट लागेको छ । उनको टाउको ११ टाँका लागेको वडाध्यक्ष तर्कराज भट्टले बताए । यस्तै सुरजको मुखमा चोट लागेको छ । दुवै जनाको स्थानीय श्रीकेदार स्वास्थ्यचौकीमा प्राथमिक उपचार गरिएको र थप उपचारका लागि धनगढी ल्याउने तयारी भएको वडा अध्यक्ष भट्टले जानकारी दिए ।

घटनामा संलग्न रहेको भन्दै प्रहरीले तीन जनालाई पक्राउ गरेको छ । दोगडाकेदार गाउँपालिका–५ गोबडाका किरन चन्द, रोशन चन्द र सञ्जय चन्दलाई पक्राउ गरिएको जिल्ला प्रहरी कार्यालयका प्रवक्ता प्रहरी निरीक्षक बलराम पाण्डेयले जानकारी दिए । पक्राउ परेका तीनैजना इलाका प्रहरी कार्यालय पाटनको नियन्त्रणमा रहेका छन्। घटनाका बिषयमा थप अनुसन्धान भइरहेको प्रहरी निरीक्षक पाण्डेयले बताए ।

प्रकाशित :-

यो खबर पढेर तपाईलाई कस्तो महसुस भयो ?

शेयर१२.४K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।