मुख्य सामग्रीमा जानुहोस्
६ मंसिर २०८३ आइतबारराति ११:३९ Sunday, November २२, २०२६

घोडाघोडीमा जिल्ला स्तरीय जुनियर रेडक्रस सोसाइटीको दुई दिने गोष्ठी सुरु

शेयर१२.४K०

कैलालीको घोडाघोडीमा नेपाल रेडक्रस सोसाइटी कैलाली जिल्ला शाखाको ३९ औं जिल्ला स्तरीय जुनियर तथा युवा रेडक्रस गोष्ठी शुक्रबारदेखि सरू भएको छ ।

जिल्लाको घोडाघोडी-१ मा अवस्थित घोडाघोडी सामुदायिक माध्यमिक विद्यालयको जुनियर रेडक्रस सर्कलको आयोजनामा शुक्रबारदेखि दुई दिने गोष्ठी सुरु भएको हो । उक्त गोष्ठीमा जिल्ला भरिका १ सय ३९ विद्यालयका विद्यार्थीहरू सहभागी भएका छन् । जसमा प्रत्यक्ष विद्यालयबाट २ जना रेडक्रसमा आबद्ध विद्यार्थी र एक जना शिक्षक गरी तीन जना सहभागी भएका आयोजकले जनाएको छ । आज पहिलो दिन औपचारिक रूपमा कार्यक्रमको उद्‌घाटन गरिएको छ । त्यसलगत्तै आज र भोलि बन्द सत्र चलेर भोलि समापन हुने छ ।

नेपाल रेडक्रस सोसाइटी कैलालीका सदस्य तथा जुनियर तथा युवा रेडक्रस कैलालीका संयोजक रङ्ग प्रसाद तिमिल्सैनाको सभापतित्वमा सुरु भएको समुद्घाटन कार्यक्रमको प्रमुख अतिथिमा सुदूरपश्चिम प्रदेशका सामाजिक विकास मेघराज खड्का रहेका थिए । केन्द्रीय रेडक्रस सोसाइटीका पदाधिकारी, जिल्ला रेडक्रस सोसाइटीका पदाधिकारी, नगरपालिका प्रमुख, उपप्रमुख, अन्य जनप्रतिनिधि, प्राध्यापक, शिक्षक विद्यार्थीहरूको उपस्थितिमा कार्यक्रमको औपचारिक रुपमा मन्त्री खड्काले उद्‌घाटन गरेका थिए ।

कार्यक्रममा बोल्दै घोडाघोडी नगरपालिका नगर प्रमुख खडक बहादुर रावतले आजको चुनौती विपद् व्यवस्थापन र जलवायु परिवर्तनको रहेको बताएका थिए । पछिल्लो समयमा मानवीय क्रियाकलापले गर्दा पनि यस्ता किसिमका समस्या उत्पन्न भएको र जसलाई व्यवस्थापन गर्न निकै गाह्रो चुनौती रहेको बताए ।

यस्तै सामाजिक विकास मन्त्री मेघराज खड्काले कार्यक्रममा बोल्दै विद्यार्थीहरू समाज सेवामा, सामाजिक क्षेत्रमा, विपद् व्यवस्थापनमा रेडक्रस सोसाइटी जस्तो संस्थामा आबद्ध भएर अघि बढेको प्रति कृतज्ञता प्रकट व्यक्त गरेका थिए ।

प्रकाशित :-

यो खबर पढेर तपाईलाई कस्तो महसुस भयो ?

शेयर१२.४K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।