मुख्य सामग्रीमा जानुहोस्
७ मंसिर २०८३ सोमबारराति १:४४ Monday, November २३, २०२६

कैलालीका ५० स्थानबाट धान उत्पादनको तथ्याङ्क सङ्कलन

शेयर१०.८K०

सुदूरपश्चिम प्रदेशका किसानहरुले धान भित्र्याइसकेका छन् । मध्य जेठबाटै रोपाइँ थाल्ने भएकाले यहाँका किसानले छिटो धान काटेर सकेका हुन् ।

अहिले धान काटेको जग्गा जोतेर हिउँदे बाली मुसुरो, तोरीलगायत लगाउने तयारीमा किसानहरु रहेका छन् । तिहारअघि नै धान भित्र्याएका धनगढी उपमहानगरपालिका–५ का कृषक रामप्रसाद चौधरीले खेत जोतेर गहुँ छर्न लागेको बताएका छन् । कृषि ज्ञानकेन्द्र कैलालीका सूचनाअधिकारी श्याम जोशीले उत्पादन ७ देखि ८ प्रतिशतसम्म बढेको आंकलन गरिएको बताए ।

हालसम्म जिल्लाभरिका ५० ठाउँमा किसानको खेतमै गएर धान कटानी र थ्रेसिङ गरेर तथ्याङ्क सङ्कलन गरिएको ज्ञानकेन्द्र प्रमुख हरिप्रसाद पनेरूले बताए । सुदूरपश्चिममा यो वर्ष १ लाख ७४ हजार ५ सय ७६ हेक्टरमा रोपाइँ भएको थियो । धान उत्पादनको पकेट क्षेत्रका रूपमा रहेको कैलालीमा गत वर्ष उत्पादकत्व प्रतिहेक्टर ४ दशमलव ७ मेट्रिकटन रहेको ज्ञानकेन्द्रले जनाएको छ । आधुनिक प्रविधि र उन्नत बिउको बढ्दो प्रयोगले पनि उत्पादकत्वमा सुधार हुँदै गएको कृषि प्राविधिकको भनाइ छ । कैलालीमा करिब ६८ हजार हेक्टरमा धानखेती हुने गरेको छ ।

प्रकाशित :-

यो खबर पढेर तपाईलाई कस्तो महसुस भयो ?

शेयर१०.८K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।