मुख्य सामग्रीमा जानुहोस्
६ मंसिर २०८३ आइतबारबेलुका ६:११ Sunday, November २२, २०२६

कैलालीमा विवाह भोजमा झडप हुँदा तीन जना घाइते, ६ जना प्रहरीको नियन्त्रणमा

शेयर११.८K०

कैलालीको बर्दगोरिया र घोडाघोडीमा विवाहमा झडप हुँदा तीन जना घाइते भएका छन् । झडपबाट प्रहरीले ६ जनालाई पक्राउ गरेको छ ।

बर्दगोरिया गाउँपालिका-६ का केशब नेपालीको छोरी डम्मराको विवाहमा प्रवेश गरेर कुर्सी तोडफोड गर्ने सुशील बम र घोडाघोडी नगरपालिका-३ का २२ वर्षीय प्रमोद परियारमाथि कुटपिट गरिएको जिल्ला प्रहरी कार्यालय कैलालीले जनाएको छ । उनीहरु कुटपिटबाट घाइते भएका छन् ।

बमलाई थप उपचारका लागि कोहलपुर पठाइएको छ । उनको साथबाट चक्कु बरामद गरिएको प्रहरीले जनाएको छ । उनीसँगै विवाहमा लफडा गर्ने दुई जनालाई पक्राउ गरेको जिल्ला प्रहरी कार्यालय कैलालीका प्रहरी नायब उपरीक्षक कबिन्द्रसिंह बोहराले बताए । उनका अनुसार पक्राउ पर्नेमा बर्दगोरिया गाउँपालिका-६ बस्ने २२ वर्षीय विशाल जोशी र लम्कीचुहा नगरपालिका-१० बस्ने २२ वर्षीय दिनेश खत्री रहेका छन् ।

यस्तै घोडाघोडी पनि विवाहमा लफडा भएको छ । घोडाघोडी नगरपालिका-७ का ओमबहादुर चिमलाको छोराको विवाहमा रमाउने क्रममा १५ वर्षीय किशोरमाथि कुटपिट गरिएको प्रहरीले जनाएको छ । उनको धनगढीको निसर्ग अस्पतालमा उपचार भइरहेको छ ।

कुटपिटको आरोपमा घोडघोडी नगरपालिका-७ का २३ वर्षीय आकाश बिक, २९ वर्षीय मोहन बम, २२ वर्षीय तारेशु बोहरा र २७ वर्षीय दुर्गा पक्राउ परेका छन् ।

प्रकाशित :-

यो खबर पढेर तपाईलाई कस्तो महसुस भयो ?

शेयर११.८K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।