मुख्य सामग्रीमा जानुहोस्
६ मंसिर २०८३ आइतबारदिउँसो ३:४४ Sunday, November २२, २०२६

अदातलद्वारा रवि लामिछानेलाई प्रहरीको जिम्मा 

शेयर१०.६K०

काठमाण्डौकाे स्वर्णलक्ष्मी सहकारीको रकम अपचलन प्रकरणमा आइतबार बहस नसिकएपछि जिल्ला अदालत काठमाण्डौले राष्ट्रिय स्वतन्त्र पार्टीका सभापति रवि लामिछानेलाई प्रहरीको जिम्मा लगाउने आदेश गरेको छ ।

आइतबार जिल्ला अदालत काठमाण्डौमा लामिछानेको बयान भएको थियो । लामिछानेलगायत ३९ जनाविरुद्ध सो सहकारीको रकम अपचलन मुद्दा जिल्ला अदालतमा दायर भएको छ । लामिछानेलाई कास्की जिल्ला अदालतले शुक्रबार ६५ लाख धरौटीमा रिहा गरेपछि उनी आइतबार काठमाण्डौ अदालतमा हाजिर भएका थिए । उनी हाजिर भए लगत्तै न्यायाधीश माधवप्रसाद अधिकारीको इजलासमा बयानसमेत भएको थियो। बयान सकिएपछि आइतबारै थुनछेक बहससमेत सुरु भएको छ ।

थुनछेक बहसमा पहिला सरकारी वकिलको कार्यालयको तर्फबाट बहस हुनेछ । त्यसपछि लामिछानेका कानुन व्यवसायी तथा जाहेरवालाका कानुन व्यवसायीले बहस गर्नेछन् ।

यसअघि कास्कीस्थित सूर्यदर्शन सहकारीको रकम अपचलन प्रकरणमा लामिछानेसँग जिल्ला अदालतले ६५ लाख रुपैयाँ धरौटी मागेको थियो । काठमाण्डौ जिल्ला अदालतबाट कस्तो आदेश आउँछ भन्ने चासो छ । स्वर्णलक्ष्मीबाट गोर्खा मिडिया नेटवर्कमा कानुनविपरीत ५ करोड ७८ लाख ९८ हजार ४ सय ८० रुपैयाँ गएको प्रहरी अनुसन्धानले देखाएको छ । सरकारी वकिल कार्यालयले रविलाई सो रकम बिगो माग दाबी गरेर मुद्दा दायर गरेको हो ।

काठमाण्डौमा थुनछेक बहसमा आदेश आएपछि लामिछाने जिल्ला अदालत रुपन्देही हाजिर हुनुपर्नेछ । त्यहाँ प्रहरीले अनुसन्धान फाइल सरकारी वकिल कार्यालयमा पठाइसकेको छ । सरकारी वकिल कार्यालयले मुद्दा अभियोजन भने गरिसकेको छैन । लामिछानेलाई त्यसपछि चितवन र पर्सामा पनि मुद्दा दायर हुने अवस्था छ ।

प्रकाशित :-

यो खबर पढेर तपाईलाई कस्तो महसुस भयो ?

शेयर१०.६K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।