मुख्य सामग्रीमा जानुहोस्
६ मंसिर २०८३ आइतबारदिउँसो २:२१ Sunday, November २२, २०२६

रवि लामिछाने आज रूपन्देही अदालतमा उपस्थित

शेयर११.५K०

राष्ट्रिय स्वतन्त्र पार्टी (रास्वपा) का सभापति रवि लामिछाने आज जिल्ला अदालत रूपन्देहीमा उपस्थित भएका छन् । अदालतका सूचना अधिकारी अनन्तराज मरासिनीले बुधबार कार्यालय खुले लगत्तै लामिछाने अदालतमा उपस्थित भएको बताए ।

सूचना अधिकारी मरासिनीका अनुसार लामिछानेलाई कार्यालय खुल्ने बित्तिकै अदालतमा उपस्थित भए । अदालती प्रक्रियाअनुसार केही समयमै कुन इजलासमा पठाउने निश्चित हुनेछ ।

बुटवलको सुप्रिम सहकारीको बचत ठगी र संगठित अपराधमा लामिछानेविरूद्ध मुद्दा दर्ता भएको थियो । लामिछाने मंगलबार साँझ नै केही कानुन व्यवसायीको साथमा भैरहवा पुगेका थिए ।

यो भन्दा अगाडि लामिछानेलाई पोखराको सुर्यदर्शन सहकारी बचत अपचलन मुद्दामा र काठमाण्डौको स्वर्णलक्ष्मी सहकारी मुद्दामा अदालतले धरौटीमा छाड्न आदेश दिएको थियो ।

गत पुस २५ गते कास्की अदालतले रविलाई ६५ लाख रुपैयाँ धरौटीमा छाड्न आदेश दिएको थियो भने माघ २ गते काठमाण्डौ अदालतले ६० लाख रुपैयाँ धरौटीमा छाड्न आदेश दिएको थियो ।

प्रकाशित :-

यो खबर पढेर तपाईलाई कस्तो महसुस भयो ?

शेयर११.५K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।