मुख्य सामग्रीमा जानुहोस्
७ मंसिर २०८३ सोमबारबिहान ३:३० Monday, November २३, २०२६

बैतडीमा दुई बालिकामाथि करणीको आरोपमा दुई पुरुष पक्राउ

शेयर१२.३K०

बैतडीमा दुई बालिकामाथि करणी भएको खुलासा भएको छ ।

जिल्लाको मेलौली नगरपालिकाकी १६ वर्षीया बालिकामाथि करणी गरेको आरोपमा मेलौलीकै २५ वर्षीय पुरुषलाई पक्राउ गरिएको छ । ती पुरुषले बालिकामाथि २०८० असार र कार्तिकमा जबरजस्तीकरणी गरेको जाहेरी परेपछि उनलाई प्रहरीले आइतवार पक्राउ गरेको हो। पक्राउ परेका ती पुरुषलाई इलाका प्रहरी कार्यालय पाटनको हिरासतमा राखिएको छ ।

यस्तै शिवनाथ गाउँपालिकाकी १५ वर्षीया बालिकामाथि करणी गरेको आरोपमा सोही ठाउँका ३० वर्षीय पुरुषलाई पक्राउ गरेको छ । ती पुरुषले ललाईफकाई गरेर गत माघमा बालिकामाथि करणी गरेको जाहेरीको आधारमा उनलाई आइतवार पक्राउ गरिएको हो । घटना कसरी बाहिरीयो भन्ने बिषयमा प्रहरीले अनुसन्धानपछि मात्र जानकारी दिइने जिल्ला प्रहरी कार्यालय बैतडीका प्रवक्ता प्रहरी निरीक्षक बलदेव बडूले बताए ।

पक्राउ परेकामाथि अदालतबाट १० दिनको म्याद थपेर अनुसन्धान सुरु भइसकेको बडूले जानकारी दिए । दुवै घटना अनुसन्धानमा रहेको र पीडकको नाम सार्वजनिक गर्दा पीडितलाई थप क्षति हुन सक्ने भएकाले नामसहितको परिचय गोप्य राखिएको प्रहरीले जनाएको छ ।

प्रकाशित :-

यो खबर पढेर तपाईलाई कस्तो महसुस भयो ?

शेयर१२.३K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।