मुख्य सामग्रीमा जानुहोस्
७ मंसिर २०८३ सोमबारबिहान ३:१८ Monday, November २३, २०२६

सामान्य टाउको दुखाइले मेडिकल गएका शाहीको मृत्यु ,उपचारमा खटिएका ल्याब असिस्टेन्ट फरार

मेडिकलमा सँगै उपचार गराई रहनुभएका प्रत्यक्षदर्शी खडक बहादुर साउँदले सिरिन्ज दिएको केही मिनेटमै शाहीको मृत्यु भएको बताउनुभयो ।

शेयर२२४K०

कैलालीमा सामान्य टाउको दुखाइले मेडिकल गएका युवाको मृत्यु भएको छ । सोमबार बिहान नजिकैको दहित मेडिकलमा टाउको दुख्यो भनेर उपचारका लागि गएका घोडाघोडी ८ का ३३ वर्षीय नीरज बहादुर शाहीको मृत्यु भएको इलाका प्रहरी कार्यालय सुखडका प्रमुख प्रहरी नायव उपरीक्षक रमेश अवस्थिले जानकारी दिनु भएको छ । शाहीलाई मेडिकलका ल्याब असिस्टेन्ट महावीर चौधरीले एउटा सिरिन्ज दिएका थिए ।
मेडिकलमा सँगै उपचार गराई रहनुभएका प्रत्यक्षदर्शी खडक बहादुर साउँदले सिरिन्ज दिएको केही मिनेटमै शाहीको मृत्यु भएको बताउनुभयो ।
साउँदका अनुसार, उहाँ पनि झाडापखालाको उपचार गराई रहनु भएको थियो । उपचारको क्रममा ल्याब असिस्टेन्ट चौधरीले निरजलाई सिरिन्ज लगाउनु भयो । सिरिन्ज लगाए लगत्तै नीरजको मुखबाट फिँज निस्कन थाल्यो । अवस्था गम्भीर देखिएपछि ल्याब असिस्टेन्ट चौधरीले कृत्रिम श्वास दिने प्रयास गरे, तर केही समयमै नीरजको मृत्यु भयो ।
मृतकका ससुरा रामबहादुर शाहीले बताएअनुसार, बिहान घरबाट निस्कँदा निरजले टाउको दुखेको भन्दै आफैँ मोटरसाइकल चलाएर मेडिकल गएका थिए । तर केही समयमै ज्वाइँको मृत्यु भएको खबर आयो, जुन विश्वास गर्नसमेत कठिन लागेको शाहीको भनाई छ ।
सो क्षेत्रका बासिन्दाहरु उपचारका लागि दहित मेडिकलमै जाने गर्दछन । उपचारमा संलग्न ल्याब असिस्टेन्ट चौधरी घटनापछि फरार रहेका छन् । मेडिकल सञ्चालक भने कामको सिलसिलामा बाहिर थिए । घटनाबारे थप अनुसन्धान गरिने इलाका प्रहरी कार्यालय सुखडका प्रमुख प्रहरी नायव उपरीक्षक अवस्थिले बताउनु भयो ।

प्रकाशित :-

यो खबर पढेर तपाईलाई कस्तो महसुस भयो ?

शेयर२२४K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।