मुख्य सामग्रीमा जानुहोस्
६ मंसिर २०८३ आइतबारराति ११:३६ Sunday, November २२, २०२६

डा.रमा देवी जोशीको पिएचडी उपाधि: कैलाली बहुमुखी क्याम्पसमा पिएचडी उपाधि हासिल गर्ने पहिलो महिला

सुदूरपश्चिमको विज्ञान क्षेत्रमा ऐतिहासिक उपलब्धि

शेयर८६.४K०

सरिता चन्द

कैलाली बहुमुखी क्याम्पसमा विज्ञान संकाय प्रमुखका रूपमा कार्यरत रमा देवी जोशीले त्रिभुवन विश्वविद्यालयअन्तर्गत भौतिक शास्त्रमा विद्यावारिधि (पि.एच.डी. गरेकी छन् । उनी सो क्याम्पसबाट पी.एच.डी सम्पन्न गर्ने पहिलो महिला हुन् । उक्त उपलब्धि सुदूरपश्चिम क्षेत्रकै लागि गर्वको विषय बनेको छ ।

उनले पिएचडी शोध “सोलिड स्टेट लाइटिङ एप्लिकेसनहरूको लागि नानोफोस्फोरसको संश्लेषण र चरित्रीकरण” शीर्षकमा आधारित रहेको छ । डा.जोशीको अनुसन्धान कार्यले विशेष गरी नानोविज्ञान र प्रकाश प्रविधिको क्षेत्रमा योगदान पु¥याएको छ ।
उनको पिएचडी प्रोफेसर डा. भवानी दत्त जोशीको सुपरिवेक्षणमा र आर. प्रविणाको सह–मार्गदर्शनमा सम्पन्न भएको हो । अनुसन्धानको क्रममा उनले राष्ट्रिय तथा अन्तर्राष्ट्रिय जर्नलहरूमा आफ्ना अनुसन्धान लेखहरू प्रकाशित गरेकी छन् ।

डा.जोशीले राष्ट्रिय विज्ञान तथा प्रविधि प्रतिष्ठानबाट अनुसन्धानको लागि फेलोसिप समेत प्राप्त गरेकी थिइन् । फेलोसिपअन्तर्गत गरिएको अनुसन्धान कार्यले विद्यावारिधिमा उत्कृष्ट योगदान पु¥याएको छ ।
२०६६ सालमा कैलाली बहुमुखी क्याम्पसमा सहायक प्राध्यापकको रूपमा शिक्षण सेवा सुरु गरेकी जोशी हाल सोही क्याम्पसमा विज्ञान संकाय प्रमुखको रूपमा कार्यरत छन् ।
विगत डेढ दशकदेखि विज्ञान शिक्षामा सक्रिय रहँदै आएकी उनको समर्पण, अनुसन्धान प्रतिको रुचि र नेतृत्व क्षमताले शैक्षिक क्षेत्रमा प्रेरणादायी योगदान पु¥याएको छ । शैक्षिक वृत्तमा उनको यो सफलता प्रशंसायोग्य मात्र नभई सुदूरपश्चिमका भावी अनुसन्धानकर्ता तथा महिला वैज्ञानिकहरूका लागि प्रेरणाको स्रोतसमेत बनेको छ ।

mam1

बझाङ जिल्लाको जुजी मेलौलीमा जन्मिएकी उनका पिता राम प्रसाद जोशी र माता जानकी देवी जोशी हुनुहुन्छ । २०४३ सालमा जन्मिएकी डा। जोशीले ग्रामीण पृष्ठभूमिबाट शिक्षाको माध्यमबाट प्रगतिको मार्ग तय गर्दै आज देशकै अग्रणी अनुसन्धान कर्तामा आफ्नो स्थान बनाउन सफल भएकी छन् ।
जोशीको यो सफलता केवल व्यक्तिगत उन्नतिको उदाहरण मात्र होइन, समाजका अन्य महिलाहरूका लागि प्रेरणाको स्रोत हो । सुदूरपश्चिममा विज्ञान अध्ययन र अनुसन्धानमा रुचि राख्ने युवाहरूका लागि यो उपलब्धि मार्गदर्शनको उज्यालो किरण बन्न पुगेको छ । विशेषतः महिला सहभागिता र समानताको पक्षमा यो सफलता ऐतिहासिक मानिन्छ ।
शैक्षिक वृत्तमा उनको योगदान अत्यन्तै सराहनीय छ । शैक्षिक समुदाय, विद्यार्थी, सहकर्मी तथा सम्पूर्ण सुदूरपश्चिमवासीहरूबाट डा.रमा देवी जोशीलाई हार्दिक बधाई तथा उज्ज्वल भविष्यका लागि शुभकामना व्यक्त गरिएको छ ।
उनको यो उपलब्धिले नेपाली महिलाहरूको वैज्ञानिक क्षेत्रमा बढ्दो उपस्थिति र सशक्तीकरणको सुन्दर उदाहरण प्रस्तुत गरेको छ ।

प्रकाशित :-

यो खबर पढेर तपाईलाई कस्तो महसुस भयो ?

शेयर८६.४K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।