मुख्य सामग्रीमा जानुहोस्
६ मंसिर २०८३ आइतबारबेलुका ६:०६ Sunday, November २२, २०२६

न्यु स्टारको असल अभिभावक कार्यक्रम सम्पन्न

शेयर१८.४K०

कैलालीको सुखडमा तीन दशकदेखि संस्कारसहितको जीवन उपयोगी गुणस्तरीय शिक्षा प्रदान गर्दै आइरहेको न्यु स्टार इङ्ग्लिस बोर्डिङ स्कुलले यस शैक्षिक वर्षलाई अझ सशक्त र सबल बनाउने उद्देश्यले ‘असल अभिभावक कार्यक्रम’ सम्पन्न गरेको छ ।

कार्यक्रम शिक्षक अभिभावक संघका अध्यक्ष रमा जैसी पौडेलको सभापतित्वमा भएको थियो । प्रमुख अतिथि घोडाघोडी नगरपालिकाका नगर प्रमुख खडक बहादुर रावत रहेका थिए । प्रमुख अतिथि रावतले शिक्षा क्षेत्रको प्रगतिमा अभिभावकको महत्त्वपूर्ण भूमिका र जिम्मेवारी रहेको बताए । विद्यालय र अभिभावकबिचको समन्वयले मात्र विद्यार्थीको उज्ज्वल भविष्य सुनिश्चित गर्न सकिने रावतको भनाई छ ।
कार्यक्रममा स्वागत मन्तव्य राख्दै संस्थापक÷प्रिन्सिपल परशुराम भण्डारी ९पिआर०ले विद्यालयको लामो शैक्षिक योगदान र भविष्यका योजनाबारे जानकारी गराउँदै अभिभावकहरूको महत्त्वपूर्ण सहयोगलाई उजागर गरे ।
अन्तर्राष्ट्रिय ख्यातिप्राप्त संस्कार तथा जीवन विज्ञान प्रशिक्षक योगिनी श्री सरितानन्दीको प्रेरणादायी प्रवचनले कार्यक्रममा विशेष आकर्षण थपेको थियो । अभिभावक उत्प्रेरणा र पुर्वीय दर्शनमा आधारित उनको गहन प्रवचनले उपस्थित अभिभावकहरूको मन छुने प्रभाव पारेको थियो ।
कार्यक्रममा अभिभावकहरूको उल्लेख्य सहभागिता रह्यो । विद्यालय र अभिभावकबिचको आपसी सम्बन्धलाई थप प्रगाढ र सुदृढ बनाउने अपेक्षासहित कार्यक्रम सम्पन्न भएको छ ।

प्रकाशित :-

यो खबर पढेर तपाईलाई कस्तो महसुस भयो ?

शेयर१८.४K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।