मुख्य सामग्रीमा जानुहोस्
७ मंसिर २०८३ सोमबारराति १२:३६ Monday, November २३, २०२६

जेनजीको तोडफोड पछि बर्दगोरियाका युवाहरू सरसफाइमा, गरे कारबाहीको माग

शेयर९.३K०

गत २४ गते मङ्गलवार आफूलाई जेनजी बताउनेहरूले तोडफोड गरेको कैलालीको बर्दगोरिया गाउँपालिकाको कार्यालय सरसफाइमा बर्दगोरियाका युवाहरू जुटेका छन् । उनीहरूले शुक्रवार गाउँपालिकाको कार्यालयमा सरसफाइ गरेको हुन । उनीहरूले सिसा, जलाइएका टायर, फुटाइएका सिसिटिभी क्यामेरा र एसीहरूको व्यवस्थापन गरेका छन् । आफूलाई जेनजी बताउनेहरूले कार्यालय बाहिर सामान्य तोडफोड गरे पनि आगजनी भने गरेनन् जसका कारण ठुलो क्षति हुनबाट बचेको छ । जेनजी नभई आफूलाई जेनजी समूहको बताउने केही अराजक व्यक्तिहरूले सार्वजनिक सम्पत्ति तोडफोड गरेको भन्दै कारबाही माग समेत युवाहरूले गरेका छन् ।

तोडफोडबाट कार्यालयका २७ वटा झ्यालका सिसा नष्ट भएका छन् भने ३ वटा सिसिटिभी क्यामेरा, २ वटा एसी, शव वाहनको सिसा र कार्यालयमा रहेको शिलालेख समेत तोडफोड गरिएको छ । पालिका सँगै सो समूहले हरेक वडा कार्यालयमा पुगेर झ्यालको सिसा, सिसिटिभी, एसी लगायतमा क्षति गरेको छ । कार्यालयको तोडफोड आफूहरूले नभई जेनजीको नाम लिँदै केही अराजक र परिचालित व्यक्तिहरूले गरेको स्वयम जेनजी आन्दोलनका सहभागीहरू बताउछन् ।

546271152_2299727763777734_1931324338590498730_n

गत २४ गते बिहान ११ बजे बौनिया बजारबाट सुरु गरिएको जेनजी आन्दोलन गाउँपालिकाको गेटमा पुगेर करिब २/३ घण्टा नाराबाजी र प्रदर्शन गरेको थियो । तत्पश्चात् कार्यालयमा कुनै क्षति नगरी जेनजीहरु नाराबाजी गर्दै पुनः बौनिया बजार फर्किएका थिए । यसलाई आधार मान्य हो भने बर्दगोरियामा जेनजीहरुले कुनै खालको क्षति गरेनन् । तर सोही दिन साँझ करिब ७ बजे ५/७ वटा मोटरसाइकलमा आएको युवाहरूको टोलीले गेटको ताला तोडेर भित्र पसि तोडफोड गरेको प्रत्यक्षदर्शी बत्ताउँछन् । यो हरकतलाई जेनजी आन्दोलक सँग जोड्न नमिल्ने युवाहरूको भनाई छ । प्रत्यक्षदर्शी तथा कार्यालयमा रहेको सिसिटिभीका आधारमा व्यक्तिहरू पहिचान गरी कारबाही गर्नु पर्ने माग बढेको छ । तर यस बारेमा गाउँपालिका भने केही बोलेको छैन । तर श्रोतले भने अहिले व्यक्ती पहिचान गर्ने काम भइरहेको जनाएको छ ।

प्रकाशित :-

यो खबर पढेर तपाईलाई कस्तो महसुस भयो ?

शेयर९.३K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।