मुख्य सामग्रीमा जानुहोस्
७ मंसिर २०८३ सोमबारराति १:०९ Monday, November २३, २०२६

घोडाघोडी–८ जरैमा युवकको घाँटी रेटी हत्या, टाउको लिएर प्रहरीमा पुगे दुई युवक

शेयर७६.२K०

कैलालीको घोडाघोडी नगरपालिका–८ जरैमा गए राति रक्सीपाटी पछिको विवादका क्रममा एकजनाको घाँटी रेटी हत्या गरिएको छ।

इलाका प्रहरी कार्यालय सुखडका प्रमुख प्रहरी नायब उपरीक्षक (डीएसपी) रमेश दत्त अवस्थीका अनुसार सोही वडाका केशर बहादुर बुढाको घाँटी रेटेर हत्या गरिएको हो।

घटना गए राति करिब ११ बजेतिर भएको प्रहरीले जनाएको छ। डीएसपी अवस्थीले भने, “राति ११ बजेतिर हाम्रो कार्यालयमा ‘एकजनालाई मारियो’ भनेर जानकारी आयो, म स्वयं घटनास्थल पुगेँ।”

हत्या आरोपमा सोही वडाका १८ वर्षीय बलबहादुर बिक र १९ वर्षीय गङ्गा बुढा क्षेत्रीलाई प्रहरीले पक्राउ गरेको छ।

विवादपछि दुबै जनाले बुढाको घाँटी छेकी टाउको छुट्याएका थिए र त्यसपछि टाउको बोकेर आफै इलाका प्रहरी कार्यालय सुखड मातहतको प्रतिखेत प्रहरी पोस्टमा पुगेका थिए।

प्रहरीका अनुसार मृतक बुढाको टाउको इलाका प्रहरी कार्यालय सुखडमा राखिएको छ भने शरीर घटनास्थलमै रहेको छ।

घटनाबारे थप अनुसन्धान भइरहेको डीएसपी अवस्थीले बताएका छन्।

प्रकाशित :-

यो खबर पढेर तपाईलाई कस्तो महसुस भयो ?

शेयर७६.२K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।