मुख्य सामग्रीमा जानुहोस्
६ मंसिर २०८३ आइतबारराति ११:४६ Sunday, November २२, २०२६

अनुदान र जागिरको लोभ देखाएर ठगी गर्ने युवक कैलालीबाट पक्राउ

शेयर२०.२K०

सरकारी जागिर लगाइदिने तथा विभिन्न शीर्षकमा अनुदान उपलब्ध गराइदिने प्रलोभन देखाएर सर्वसाधारणलाई ठगी गर्दै आएका एक जनालाई प्रहरीले पक्राउ गरेको छ।
जिल्ला प्रहरी कार्यालय कैलालीबाट खटिएको प्रहरी टोलीले जिल्ला डोटी आदर्श गाउँपालिका वडा नम्बर २ घर भई हाल कैलालीको गोदावरी नगरपालिका–६ लालपुरमा बस्दै आएका ३३ वर्षीय तुला राम कोलीलाई पक्राउ गरेको हो।
जिल्ला प्रहरी कार्यालय कैलालीका प्रवक्ता डीएसपी योगेन्द्र टिमिल्सिनाका अनुसार कोलीले विभिन्न व्यक्तिहरूलाई सरकारी जागिर लगाइदिने र अनुदान उपलब्ध गराइदिने भन्दै रकम असुल्दै आएको आरोप छ। उनलाई निजकै घरबाट पक्राउ गरी जिल्ला प्रहरी कार्यालय कैलालीको हिरासतमा राखिएको छ।
यस घटनामा हालसम्म जिल्ला प्रहरी कार्यालय कैलालीमा कुल १० वटा उजुरी दर्ता भएका छन्। उजुरीहरूका आधारमा अन्दाजी एक करोड २० लाख रुपैयाँ बराबरको ठगी भएको प्रारम्भिक अनुसन्धानबाट खुलेको प्रहरीले जनाएको छ।
प्रहरीले घटनासम्बन्धी थप अनुसन्धान भइरहेको जानकारी दिएको छ।

प्रकाशित :-

यो खबर पढेर तपाईलाई कस्तो महसुस भयो ?

शेयर२०.२K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।