मुख्य सामग्रीमा जानुहोस्
६ मंसिर २०८३ आइतबारराति ११:५० Sunday, November २२, २०२६

कैलालीमा किशोरीमाथि सामूहिक जबर्जस्ती करणी गरेको आरोपमा तीन जना पक्राउ

शेयर७१.२K०

कैलालीको धनगढी उपमहानगरपालिका–१६ बेहडाबाबाकी १८ वर्षीया किशोरीमाथि सामूहिक जबर्जस्ती करणी गरेको आरोपमा तीन जना पक्राउ परेका छन्।

पीडित किशोरीका आफन्तले दिएको जाहेरीका आधारमा प्रहरीले धनगढी उपमहानगरपालिका–१६ निवासी २१ वर्षीय प्रदीप चन्द, १७ वर्षीय पारस ऐडी र १६ वर्षीय विशाल बुढालाई पक्राउ गरेको हो।

जिल्ला प्रहरी कार्यालय कैलालीका सूचना अधिकारी योगेन्द्र तिमिल्सिनाका अनुसार गत जेठ २१ गते राति ती तीन जनाले किशोरीलाई खेतबारी क्षेत्रमा लगेर जबर्जस्ती करणी गरेको आरोप लागेको छ। घटनापछि पीडित पक्षले जिल्ला प्रहरी कार्यालय कैलालीमा जाहेरी दर्ता गराएपछि अनुसन्धान प्रक्रिया अघि बढाइएको थियो।

जेठ २४ गते अपराह्न ३ बजे अस्थायी प्रहरी पोस्ट बेहडाबाबाबाट प्रहरी नायब निरीक्षक चरण सिंह बुढाथापाको कमाण्डमा खटिएको टोलीले आरोपित तीनै जनालाई नियन्त्रणमा लिएको हो। पक्राउ परेका उनीहरूलाई जिल्ला प्रहरी कार्यालय कैलालीको हिरासतमा राखिएको छ ।

डिएसपी तिमिल्सिनाले अदालतबाट सात दिनको म्याद थप गरी घटनाबारे थप अनुसन्धान  भइरहेको जानकारी दिएका छन्। यस्तै पीडित किशोरीको सेती प्रादेशिक अस्पताल धनगढीमा स्वास्थ्य परीक्षण गराई आफन्तको जिम्मा लगाइएको प्रहरीले जनाएको छ।

प्रकाशित :-

यो खबर पढेर तपाईलाई कस्तो महसुस भयो ?

शेयर७१.२K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।