मुख्य सामग्रीमा जानुहोस्
६ मंसिर २०८३ आइतबारबेलुका ५:५९ Sunday, November २२, २०२६

धनगढी उपमहानगरपालिकाद्धारा धनगढी र गोदावरीको बिचमा स्वागतद्वार निर्माण

शेयर८.४K०

धनगढी : कैलाली जिल्लाको धनगढी उपमहानगरपालिका र गोदावरी नगरपालिकाको बिचमा स्वागतद्वार निर्माण गरिएको छ । धनगढी उपमहानगरपालिकाले मोहनपुर, गेटामा स्वागतद्वार निर्माण गरेको हो ।

धनगढी–अत्तरिया ६ लेन सडकको मोहनपुर सीमा क्षेत्रमा स्वागतद्वार निर्माण गरिएको हो । धनगढी उपमहानगरपालिकाले गत मंसिर २७ गते स्वागतद्धार निर्माण गर्न ठेक्का सम्झौता गरेको थियो । धनगढी उपमहानगरपालिकाका अनुसार श्री उप्रेती विल्डर्स एण्ड इन्जिनियर्स प्रालि, धनगढीसँग १९ लाख ५६ हजार नौ सय ८९ रुपैयाँमा स्वागतद्वार निर्माणको सम्झौता गरेको थियो ।

धनगढी उपमहानगरपालिकाले स्वागतद्वारमा ३२ वटा फ्लड लाइट र स्ट्रिप लाइटसमेत जडान गर्दैछ । विजुली–बत्तीका लागि धनगढी उपमहानगरपालिकाले थप चार लाख ४७ हजार तीन सय ८१ रुपैयाँ खर्च गर्दै छ। ठेक्का सम्झौता मार्फत नै स्वागतद्वारमा धनगढी उपमहानगरपालिकाले बत्ती जडान गर्दैछ ।

निर्माण कम्पनीले गत फागुन ३० गते भित्र स्वागतद्वार निर्माणको काम पूरा गर्नुपर्ने हो । तर, सम्झौताको समय भित्र सबै काम निर्माण कम्पनीले सकेको छैन । स्वागतद्वार निर्माणको काम जारी रहेको छ ।

धनगढी विमानस्थल जोड्ने सडकमासमेत स्वागतद्वार निर्माण गरिएको छ ।

प्रकाशित :-

यो खबर पढेर तपाईलाई कस्तो महसुस भयो ?

शेयर८.४K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।