मुख्य सामग्रीमा जानुहोस्
६ मंसिर २०८३ आइतबारबेलुका ७:२० Sunday, November २२, २०२६

आगो निभाउन गएका १६ सैनिक घाइते, ४ जनाको अवस्था गम्भिर, उपचार हुँदै

शेयर१६.५K०

डोल्पा : आइतबारदेखि डोल्पाकाे सदरमुकाम दुनै नजिक रहेकाे ठूलीभेरी नगरपालिका ३ स्थित मष्टा भवानी सामुदायिक वनमा लागेको आगो निभाउने क्रममा १६ जना नेपाली सेना घाइते भएका छन् । घाइते १६ सैनिक मध्ये ४ जनागम्भिर घाइते भएका छन् ।भने १२ जना सामान्य घाईते भएका जनाइएको छ।

आइतबार लागेको आगो सोमबारसम्म पनि नियन्त्रणमा नआएपछि डोल्पाकै देविदत्त गुल्म भदालेचौर दुनैमा रहेका सैनिकहरु आगो नियन्त्रणमा खटिएका थिए । तर हावाहुरीले स्थित भयावह बन्दा उनीहरुलाई समेत आगोले पोलेको हो ।

गम्भीर घाइते हुनेहरुमा ३० वर्षीया प्युठ विजय कोईराला , वर्ष ३८ का जमदार केसर बहादुर जर्दा मगर , २३ वर्षका सिपाही अशिस बुढा र २८ वर्षीया सिपाही हेमन्त रावत रहेका जनाइएको छ । उनीहरुको उद्धार गरी जिल्ला अस्पताल दुनैमा उपचारका लागि लगिएको अवस्था गम्भिर भएका कारण थप उपचारका लागि नेपालगञ्ज लगिएको बताइएको छ । उनीहरुलाई हेलिकप्टरमार्फत नेपालगञ्ज लगिएको हो ।

उता आगलागी भने अझै नियन्त्रणमा आउन सकेको छैन । सेनाको ब्यारेक क्षेत्रको फोहोर जलाउने क्रममा आगो जङ्गलमा सल्किएको बताइएको छ ।

प्रकाशित :-

यो खबर पढेर तपाईलाई कस्तो महसुस भयो ?

शेयर१६.५K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।