मुख्य सामग्रीमा जानुहोस्
६ मंसिर २०८३ आइतबारराति ८:४५ Sunday, November २२, २०२६

सुदूरपश्चिमका पूर्वमुख्यमन्त्री साेडारी सवार माेटरसाइकलमा ३ जनाकाे यात्रा, ट्राफिकले चेकिङ गर्दा हातपात गरेपछि चालक पक्राउ

शेयर५.६K०

धनगढीमा सुदूरपश्चिम प्रदेशका पूर्वमुख्यमन्त्री दीर्घबहादुर साेडारी सहितका तीन जना एउटै माेटरसाइकलमा सवार गर्ने क्रममा ट्राफिक चेकिङमा परेका छन् ।

शुक्रबार साँझ साेडारीसमेतका तीन जना सुपप्र ०१०१० प ७२७२ नम्बरको माेटरसाइकलमा चढेर घरतर्फ गइरहेका थिए ।

साेही बेला शिवनगरमा ट्राफिक प्रहरीले राेकेका थिए । चेकिङका क्रममा माेटरसाइकल चालक जाेशीपुर गाउँपालिका-३ बस्ने ५० वर्षीय शिवराज विनाडीले ट्राफिक प्रहरीमाथि हातपात गरेका थिए ।

डिउटीमा रहेका ट्राफिक प्रहरी जवान खगेन्द्र तिमिल्सिनाले चिट काट्ने क्रममा विनाडीले हेलमेटले उनलाई हानेकाे प्रहरीले जनाएको छ ।

उनलाई तत्काल प्रहरीले नियन्त्रणमा लिएपनि साेडारीसहितका दुई जना भने भागेकाे प्रहरीकाे भनाइ छ ।

विनाडी पक्राउ परेपछि नेताहरूले राति नै उनलाई छाड्न प्रहरीलाई दबाब दिएका थिए तर प्रहरीले कार्यस्थलमा आफ्नै कर्मचारीमाथि हातपात भएको भन्दै मुद्दा चलाउने तयारी गरेकाे छ ।

प्रकाशित :-

यो खबर पढेर तपाईलाई कस्तो महसुस भयो ?

शेयर५.६K०
Testing Theme

Testing Theme

Online Nepali News Portal

अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।

प्रतिक्रिया दिनुहोस्

प्रतिक्रिया दिन लगइन अनिवार्य छ। लेखेको मेटिँदैन।